Eftir að hafa ráðfært okkur við tvo jarðfræðinga þá höfum ákveðið að nýta veðurblíðuna á laugardaginn og fara í gönguferð á Heklu. Það hefur ekkert verið að gerast á þessu svæði og miðað við tæknina í dag og það sem jarðfræðingar segja, þá væri hún búin að hrista sig ef gos væri í vændum. Einnig ef einhverjar hræringar byrja þá fá allir sms á nálægðum svæðum. Ef við hættum við þá fá allir endurgreitt!!

​​

Hekla er eitt þekktasta eldfjall Íslands og hefur heillað fólk frá fornu fari með sínu stórbrotna landslagi og sögu. Við bjóðum upp á spennandi gönguferð upp á þetta stórfenglega fjall þar sem þú færð tækifæri til að upplifa náttúruöflin í sinni tærustu mynd.

​​​

Lýsing á ferðinni: Gönguferðin byrjar í 800 metrum. Gönguleiðin er c.a 11-12 km og 750 metra hækkun. Leiðin upp á topp tekur um 2-3 klukkustundir og heildar göngutími er um 4-5 klst, fer eftir veðri og ástandi slóða. Á leiðinni göngum við í gegnum hraunbreiður, ösku og fjalllendi. Verðlaunin eru stórkostlegt útsýni af toppnum yfir hálendi Íslands sem ekki gleymist. Þú getur séð yfir stóran hluta Suðurlands, þar á meðal fjöll, jökla og hraunbreiður. Ef veður leyfir er hægt að taka sér stutta hvíld á toppnum áður en við göngum aftur niður.

​​

Erfiðleikastig: Miðlungs-erfið gönguferð og ekki tæknilega erfið. Þátttakendur þurfa að vera í góðu líkamlegu formi og tilbúnir fyrir mismunandi veðurskilyrði. Þetta er ekki gönguferð fyrir byrjendur

​​

Veðurspá: Það verður bjartviðri og sól, lítill vindur og c.a 5-7 stiga frost. 

​​

Brottför: Farið verður á einkabílum, Akstur er c.a 150 km og tekur um 2 1/2 klst. Boðið verður að keyra í samfloti frá RVK, brottför kl. 7.30.

​

Fararstjórn: Edith Gunnarsdóttir

​​​

Verð 9.900 kr.*

​​

*innifalið: leiðsögn