Kvennafjör er gönguhópur fyrir konur sem vilja hafa gaman á fjöllum og njóta íslenskrar náttúru í hópi kvenna. Markmiðið er að kynnast nýjum og fjölbreyttum gönguleiðum á ákveðnum svæðum.  Á hverri önn er eitt svæði tekið fyrir, fræðumst um land og sögu þess svæðis. Á vorönn 2025 þá ætlum við að ganga á Reykjanesskaga. Akstur frá borginni er c.a 30 mín. 

​

Vilt þú ganga um heitasta svæði landsins í hópi skemmtilegra kvenna? Þar sem Norður- Atlandshafshryggurinn rís úr sjó, stórbrotin náttúra og leyndar perlur með háhitasvæðum, hraunbreiðum, gígum, gjám, dyngjum, vötnum og eldgosum. Reykjanesskagi er stórt svæði sem býður upp á ótrúlega margar og fallegar gönguleiðir. Við verðum að sjálfsögðu fjarri hættusvæðum og fylgjumst náið með gossvæðum.

​​​

Fjallaverkefnið samanstendur af 15 göngum og þar af ein ganga í Þórsmörk. Við byrjum verkefnið í byrjun febrúar þegar sólin er farin að hækka örlítið á lofti. Fyrsta ganga er sunnudaginn (eina gangan sem er á sunnudegi) 2.2.2025 og endar á Þórsgötu í Þórsmörk. Það verður í boði að mæta á úti þolæfingar alla þriðjudaga kl.17.30-18.30, alls 12 skipti fyrir þau sem eru skráð í gönguhópa vorið 2025. Í útiæfingunum munum við taka allskonar þolæfingar til að stykja líkama og sál. Verkefnið er fyrir allar konur sem vilja hafa gaman á fjöllum og njóta náttúrunnar en um leið fræðast um land og sögu Reykjanesskaga. 

​​​​​

Gengið er 1x í viku, mánudagsgöngurnar byrja kl. 18 en helgargöngurnar og Sumardagurinn fyrsti kl. 9/10. Þolæfingar á þriðjudögum byrja kl. 17.30 - 18.30. Þátttakendur koma sér sjálfir á upphafsstað göngu en hópurinn sameinast í bíla og keyra saman í samfloti. Því miður er ekki hægt að kaupa stakar göngur. Flest stéttarfélög taka þátt í kostnaði.

​​​​​

Fararstjórn: Edith Gunnars og aðrir fararstjórar Ferðasetursins

​​​​

​​​​