Lúxusferð um allra vinsælustu gönguleið í Evrópu, umhverfis Mont Blanc eða Tour du Mont blanc (TMB). Ferðin þar sem nánast allt er innifalið. Krefjandi gönguleiðir með dáleiðandi útsýni yfir jökla, bratta dali og auðvitað Mont Blanc sjálft. Í þessari lúxus ferð göngum fallegustu gönguleiðirnar á hringnum að okkar mati. Við göngum frá Frakklandi yfir til Ítalíu og aftur til Frakklands þar sem við endum ferðina í Chamonix. Þetta er ferð fyrir þau sem vilja ganga einstaklega fallegar enn krefjandi gönguleiðir og verðlauna sig með góðum mat og gista á lúxushótelum með spa.

 

Gist verður 4 nætur 4ra stjörnu hóteli í Chamonix með spa í tvíbýli með morgunmat

Gist verður 1 nótt 4ra stjörnu hóteli St. Gervais með spa í tvíbýli með morgunmat

Gist verður 2 nætur í fjallaskála með morgunmat og kvöldmat

 

Í lok ferðar er farið á 5 stjörnu spa á þremur hæðum í Chamonix. Spaið er með stórkostlegu útsýni yfir Mont Blanc fjallagarðinn.​

Farangur er trússaður á milli gististaða, akstur á milli Ítalíu og Frakklands og akstur á hótel. ​

​

Þetta eru langar og krefjandi gönguleiðir. Þátttakendur þurfa að vera í ágætis formi fyrir þessa ferð. Þótt að farangur sé trússaður á milli gististaða þá eru sumar dagleiðirnar langar.

​

Hápunktur ferðarinnar:

​​

• Einstak útsýni yfir Mont Blanc fjallgarðinn

• Chamonix Frakklandi

• Courmayeur Ítalíu

• Lac Blanc

• Fjallaskarðið Col de Tricot 2.120 m

• Fjallaskarðið Col du Bonhomme 2.329 m

• Fjallaskarðið Col du Croix du Bonhomme 2.443 m

• Fjallaskarðið Col du Seigne 2.516 m

• Gengið yfir landamæri Frakklands og Ítalíu

• 5 stjörnu Spa á þremur hæðum

​

Greiða þarf staðfestingargjald til að festa sæti við bókun, staðfestingargjaldið er 49.000 kr. Lokagreiðsla 400.000 þarf að greiða fyrir 4.6. 2025. Hægt að skipta greiðslum niður. Til að fá frekari upplýsingar er hægt að senda póst á ferdasetrid@ferdasetrid.is

​

Lámarksfjöldi 16, hámark 20

​​​

Verð: 449.000 kr​ með flugi* *miðað við tvíbýlí, aukagjald vegna einbýli er 60.000 kr

Verð: 390.000 kr án flugs* (hægt að nýta punkta hjá Icelandair) 

*miðað við tvíbýlí, aukagjald vegna einbýli er 60.000 kr

​

Innifalið í verði:

​

• Undirbúningsfundur

• Flug með Icelandair, handfarangur og 1x 23 kg innrituð taska (ef flug er keypt í pakkanum)

• Akstur til og frá flugvelli að hóteli 

• Gisting í 4 nætur á 4ra stjörnu hóteli í Chamonix með morgunmat

• Gisting 1 nótt á 4ra stjörnu hóteli í St. Gervais með morgunmat

• Gisting 2 nætur í fjallaskála með morgunmat og kvöldmat

• Aðgangur í 5 stjörnu Spa í Chamonix í lok ferðar, léttar veitingar og drykkur

• Trúss á farangri milli gististaða

• Akstur á milli hótela og upphafsstað göngu

• Akstur frá Ítalíu til Frakklands

• Íslensk fararstjórn

​​​

Ekki innifalið í verði:​

• Ferða-, slysa- og farangurstrygging

• Forfallatrygging

• Allur annar matur sem er ekki talinn upp og nesti/hádegismatur á göngudögum

• Aðgangur í kláfa

• Þjórfé

​​​

Dagskrá

​​​

Dagur 1 - 5.8.2025 - Ferðadagur flug frá Íslandi til Genfar

Við lendum í Genf um hádegið. Akstur á hótel í Chamonix.

Frjáls dagur.

​​​

Innifalið: Akstur og gisting á hóteli

​​​​​

Dagur 2 - 6.8 - Les Houches - Les Contamines

Eftir morgunmat tökum við stræto til Les Houches og tökum Bellevue kláfinn upp í 1800 metra. Göngum þaðan upp í fjallaskarðið col de Tricot (2.120 m) og niður til Les Contamines. Akstur og gisting á 4ra stjörnu hóteli Saint Gervais

​​​

Gönguvegalengd: 13 km

Göngnuhækkun: 700 metrar hækkun

Göngutími: 8 klst

​​​

Innifalið: Gisting á hóteli með morgunmat, trúss og leiðsögn

​​​

Dagur 3 - 7.8 Les Contamines - Les Chapieux

Eftir morgunmat göngum við til enda Montjoie dalsins til Les Chapieux dalsins. Þetta er langur dagur þar sem við göngum yfir tvö fjallaskörð, Col du Bonhomme (2.329 m) og Col du Croix du Bonhomme (2.443 m) áður en við göngum niður í síma- og netsambandsleysi í Chapieux. Ein fallegasta gönguleiðin á hringnum með stórbrotnu útsýni. 

​​​

Gönguvegalend: 18 km

Gönguhækkun: 1.400 m

Göngutími: 9 klst

​​​

Innifalið: Gisting á hóteli með morgunmat, trúss og leiðsögn

​​​

Dagur 4 - 8.8 - Les Chapieux - Combal 

Eftir morgunmat, tökum við strætó í næsta þorp, Ville des Glacier þar sem við byrjum göngu upp í fjallaskarðið Col de la Seigne (2.516 m)sem er á landamærum Frakkland og Ítalíu. Þegar á toppinn er komið er verðlaunin, einstaklega fallegt útsýni yfir Mont Blanc og Aiguille Noire. Við göngum niður dalinn og tökum hádegismat í Rifugio Elisabette. Göngum síðan áfram niður dalinn og gistum í fjallaskálanum Combal

​​​

Gönguvegalengd: 14 km

Gönguhækkun: 800 m

Göngutími: 7 klst

​​​

Innifalið: Gisting í skála, morgun- og kvöldmatur, trúss og leiðsögn
 

Dagur 5 - 9.8 Combal - Courmayeur - Chamonix

Eftir morgunmat göngum við frá Combal niður í Courmayeur þar sem við tökum hádegismat. Eftir hádegismat er frjáls tími til að skoða þenna yndisleg bæ áður en við höldum aftur til Frakklands. Akstur í gegnum Mont Blanc fjallið til Chamonix. 

​​​

Gönguvegalengd: 6 km

Gönguhækkun: 500 m

Göngutími: 4 klst

​​​

Innifalið: Gisting á hóteli með morgunmat, akstur, trúss og leiðsögn

​

Dagur 6 - 10.8 - Chamonix - Le Brévent - Le Blanc - Chamonix

Eftir morgunmat förum við í Kláf alveg upp á Le Brévent (2.526m), drekkum í okkur óviðjafnanlegt útsýni Mont Blanc. Göngum síðan eftir hlíðum Chamonix yfir að fallegustu vötnum Alpanna, Lac Blanc og Lac Chesery. Göngum að Refuge la Flégére og töku kláfinn niður. 

​​​

Gönguvegalengd: 14 km

Gönguhækkun: 800 m 

Göngutími: 7 klst

​​​

Innifalið: Gisting á hóteli með morgunmat og leiðsögn

​

Dagur 7 - 11.8 - Chamonix

Við ætlum að njóta á 5 stjörnu spa sem er á 3 hæðum og frjáls dagur í Chamonix. Lokakvöldverður. ​

​​​

Innifalið: Gisting á hóteli með morgunmat, aðgangur að spa, léttar veitingar og drykkur.

​​​

Dagur 8 - 12.8 - Ferðadagur

Eftir morgunmat pökkum við saman fyrir heimför. Akstur á flugvöll í Genf. Flug til Keflavíkur kl. 13.00.

​​​

Innifalið: Gisting á hóteli með morgunmat og akstur

​​