Ógleymanlegt ferðalag um Austur Afríku þar sem þú upplifir margar af fallegustu perlum sem Tansanía hefur upp á að bjóða í einni ferð. Tansanía er mjög framandi og heillandi land, sambland af ævintýri og slökun. Í þessari ferð ætlum við að byrja á safarí og skoða allt það fjölbreytta og framúrskarandi villta dýralíf sem Tansaníu býður upp á. Skoða stærstu öskju heims Ngorongoro gíginn sem er á heimslista UNESCO og við heimsækjum Massai ættbálkinn. Við endum síðan ferðina á slökun á Zansibar, eyjuna sem er þekkt fyrir afslappað umhverfi, fallegar strendur, fagurbláan sjó og einstaka menningu.

​

Gist er á 3ja stjörnu hóteli í Arusha fyrir og eftir safari. Planet Lodge Arusha, hægt að skoða hótelið hér. Hótelið er mjög sjarmerandi og flott, herbergin eru lítil hús í grónum og fallegum garði.

​

Gist er á 4ra stjörnu hóteli í safari ferðinni, Heart and Soul lodge, hægt að skoða hér. Einstaklega vinarlegt og þægilegt hótel, maturinn ótrúlega góður og ferskur þar sem hótelið ræktar allt krydd, ávexti og grænmeti á svæðinu þar sem hótelið er staðsett.

​

Gist er á 5 stjörnu lúxus hóteli á Zansibar, Riu Jambo, hægt að skoða hér. Þar sem ALLT er INNIFALIÐ. Hótelið býður upp á allskyns frítt sjósport og skemmtidagskrá alla daga. Hótelið er staðsett á Nuwunga ströndinni sem er á norðurhluta eyjunnar þar sem fallegustu og hreinustu strendurnar eru.

Flogið er með Icelandair og Qatar. Flug út 7. febrúar kl. 7.50. Innifalið 1x 23 kg taska og 1x 10 kg handfarangur. Töskurnar eru tékkaðar inn alla leið til Tansaníu þannig farþegar þurfa ekkert að spá í farangri á milli flugleiða.

​

Hápunktur ferðarinnar:

• Tarangire þjóðgarðuinn​

• Villt dýr í sínu náttúrulega umhverfi

• Ngorongoro náttúruverndarsvæði sem er á heimslista UNESCO

• Massai ættbálkurinn

• Zansibar 

​

Greiða þarf staðfestingargjald  til að festa sæti við bókun, staðfestingargjaldið er  kr. 100.000 og er óendurkræft. Greiða þarf ferðina fyrir 7. desember.. Til að fá frekari upplýsingar er hægt að senda póst á ferdasetrid@ferdasetrid.is

​

Lámarksfjöldi 12, hámark 18

​

Fararstjórn: Edith Gunnarsdóttir

​

Verð: 799.900 kr*  

*miðað við tvíbýli, aukakostnaður fyrir einbýli er 80.000 kr

​

Innifalið í verði:

​

• Flug til Tansaníu

• Akstur til og frá flugvelli að hóteli í Arusha og Zansibar

• Þjóðgarðsgjöld fyrir safarí ferðir

• Flug til Zansibar

• Gisting á 5 stjörnu hóteli í Arhusa: 3 nætur með morgunmat

• Gisting á 4 stjörnu hóteli í safarí: 2 nætur með morgunmat

• Gisting á 5 stjörnu lúxus hóteli á Zansibar: 5 nætur þar sem allt er innifalið, allur matur,  drykkir og sjósport

• Akstur og leiðsögn í safarí ferð á opnum 4x4 sérútbúnum jeppum

​

Ekki innifalið í verði:​

• Forfallatrygging

• Farangurs-, ferða og slysatrygging. 

• Vegabréfsáritun til Tansaníu sem kostar $51

• Þjórfé

• Hádegis- og kvöldmatur í Arusha

• Kvöldmatur á hóteli í safarí

• Leigubílar á Zansibar

• Skoðunarferðir á Zansibar

​

Mikilvægar upplýsingar

Bólusetningar og lyf: Mikilvægt er að hafa samband við heilsuhægslustöð varðandi bólusetningar og lyf. Einnig er hægt að hafa samband við Vinnuvernd/Ferðavernd og bóka viðtal /ráðgjöf vegna bólusetningar hægt að sjá hér:

https://www.vinnuvernd.is/en_GB/bolusetningar-ferdalog

​

Vegabréf: Þarf að vera í gildi 6 mánuði eftir að viðkomandi lendir í Tansaníu

​

Vegabréfsáritun: Sækja þarf um vegabréfsáritun til Tansaníu. Það tekur c.a 5 - 10 daga. Viðkomandi fyllir út umsókn á netinu (sér umsókn fyrir maka og börn). Með umsókn þarf að fylgja passamynd(má vera tekin á síma eða af FB), mynd af vegabréfi og flugmiði(pdf skjal). Hægt að sækja um hér:

https://visa.immigration.go.tz/