Júlíönsku Alparnir og Soča-dalurinn í Slóveníu eru einstök svæði fyrir gönguferðir, með einstakri fjallasýn, kristaltæru ám og grænklæddu dölum. Gönguferð um þetta svæði gefur manni tækifæri til að njóta óspilltrar náttúru og sjá náttúrufegurðina sem einkennir Júlíönsku Alpana, þar sem tignarlegir tindar rísa upp í hæstu hæðir.

​

Gönguferð um Júlíönsku Alpana má einnig finna ríkulega sögu og menningararf. Fjallabýli, gömul þorp og varðveittar rústir sem setja svip á svæðið og minna á fortíðina, þegar þetta svæði var í miðpunkti verslunar og landamæra. Ein af vinsælustu leiðunum á svæðinu er Triglav þjóðgarðurinn, þar sem hæsti tindur Slóveníu, Triglav rís í allri sinni dýrð. 

 

Gönguleiðin um Soča dalinn meðfram Soča ánni er óendanlega falleg, áin er þekkt fyrir tærleika og einstakan, smaragðsgrænan lit. Þessi á er einnig kölluð "Smaragðsdrottningin". Á leiðinni má skoða fossa, gljúfur, tjarnir, og jafnvel hægt að taka sér stund til að stinga tánum í ískalda ána.

​

Ferðin byrjar og endar við hið fallega vatn í Bled, þar sem spegilslétt vatnið endurspeglar töfrandi fjallasýn og gróskumikla náttúru. Þessi staður býður upp á ógleymanlega upplifun frá upphafi til enda.

​

Gisting er 3 nætur á 4ra stjörnu hóteli í Bled í tvíbýli með morgunmat

Gisting er 4 nætur í fjallaskála með morgunmat

​​​

Í þessari 5 daga gönguferð er gengið frá skála í skála. Það þarf ekki að bera svefnpoka eða nesti, við stoppum í fjallaskálum í hádegismat. Farangur er trússaður til hópsins á degi 3. Þátttakendur þurfa að vera í ágætis formi fyrir þessa ferð. 

​​​​

Þegar gengið er um þetta svæði nýtur maður ekki aðeins stórkostlegrar náttúru heldur einnig friðsældarinnar og róseminnar sem einkennir Júlíönsku Alpana.

 ​​​​​​

Hápunktur ferðarinnar:

​​​​​​​

• Triglav þjóðgarðurinn

• Triglav vötnin

• Trenta dalurinn

• Soca dalurinn

• Soca áin

• Soca gljúfrið

• Krn vatnið

• Komna hásléttan

• Savica fossinn

• Bohinj vatnið

• Bled

​​​​​

Greiða þarf staðfestingargjald til að festa sæti við bókun, staðfestingargjaldið er 49.000 kr. Lokagreiðsla 400.000 þarf að greiða fyrir 26. 6. 2025. Hægt að skipta greiðslum niður. Til að fá frekari upplýsingar er hægt að senda póst á ferdasetrid@ferdasetrid.is

​​​​​

Lágmarksfjöldi 16, hámark 20

​​​​​​​

Verð: 449.000 kr​* *miðað við tvíbýlí

aukagjald vegna einbýli er 60.000 kr

​​​​​​

Innifalið í verði:

​​​​​​

• Undirbúningsfundur

• Flug með Icelandair til og frá Munchen

• 1x 10 kg handfarangur og 1x 23 kg innrituð taska 

• Akstur til og frá flugvelli í Munchen að hóteli í Bled með einkarútu

• Akstur að upphafsstað göngu og til baka á hótel í lok göngu með einkarútu

• Trúss á farangri

• Gisting í 3 nætur á 4ra stjörnu hóteli í Bled

• Gisting í 4 nætur í fjallaskála með morgunmat

• 7 morgunverðir

• 3 kvöldverðir

• 2 fararstjórar

• 1 gönguferð fyrir ferð

​​​​​​​​

Ekki innifalið í verði:​

• Ferða-, slysa- og farangurstrygging

• Forfallatrygging

• Hádegismatur, nesti og snarl

• Kvöldmatur  4 kvöld

• Drykkir

• Þjórfé 

​​​​​​​​

Dagskrá

​​​​​​​​

Dagur 1. Þriðjudagur 26. ágúst. Ferðadagur 

Morgunflug frá Keflavík til Munchen. Akstur á hótel í Bled Slóveníu með einkarútu. Innritun á hótel og frjáls dagur ​​​​​​

​​​

Innifalið: Akstur og gisting á hóteli með morgunmat

​​​​​​​​​​​

Dagur 2. Miðvikudagur 27. ágúst. Bohinji - Triglav vatnið

Eftir morgunmat er akstur frá Bled til Bohinji þar sem gönguferðin hefst. Við byrjum uppgöngu á Planina Blato síðan liggur leiðin í gegnum há fjallabeitilönd þar sem við göngum fram hjá fjárhúsum og smalakofum sem notaðir hafa verið til ostagerðar í margar aldir og sumir smalar halda enn í þessa hefð í dag. Við göngum upp að fjallaskálanum sem er staðsettur við Triglav vatnið. Þar fáum við okkur ljúffenga hefðbundna slóvenska kvöldmáltíð og hvílum okkur fyrir komandi daga. Gisting í fjallaskála

​​​​​

Gönguvegalengd 14 km

Gönguhækkun 1450 metrar

Göngulækkun 100 metrar

​​​​​​​​​​​

Innifalið: Akstur, trúss, gisting í fjallaskála með morgunmat og leiðsögn

​​​​​​​​​​

Dagur 3. Fimmtudagur 28. ágúst. Triglav vatnið - Trenta

Á öðrum göngudegi höldum við inn í stórbrotinn dal Triglav-vatnanna, þar sem við munum ganga meðfram töfrandi jökulvötnum sem gefa dalnum sinn einstaka karakter. Þó að dagurinn fari að mestu í göngu eftir dalbotninum, njótum við engu að síður magnaða útsýnis yfir tignarlega fjallatindana sem umlykja okkur og færa okkur ógleymanlega upplifun af Alpafjöllunum. Við tökum hádegismat við Zasavska skálann áður en við höldum áfram niður í átt að Trenta dalnum. Eftir góðan dag á göngu bíður okkar notaleg gisting í Trenta þar sem við náum góðri hvíld og endurnærum okkur fyrir næstu daga í þessu einstaka landslagi

​​​​​

Gönguvegalengd 14 km

Gönguhækkun 350  metrar

Göngulækkun 1450 metrar

​​​​​​​​​

Innifalið: Trúss gisting í fjallaskála með morgunmat og leiðsögn

​​​​​​​​​

Dagur 4. Föstudagur 29. ágúst. Trenta - Lepena

Á þriðja göngudegi fylgjum við hinni ótrúlega fallegu Soča-ánni, sem oft er kölluð gimsteinn Slóveníu og ein af fegurstu ám Evrópu. Þessi smaragðsgræna á býður upp á einstakt útsýni og óviðjafnanlega náttúrufegurð. Á leiðinni sjáum við hefðbundinna byggingarlist Trenta dalsins, þar sem gömul hús og smáþorp gefa innsýn í menningu svæðisins. Við göngum yfir hengibrýr sem liggja yfir hyldjúpt Soča gljúfrið og þeir sem eru hugrakkir geta jafnvel skellt sér í ískalda ána fyrir hressandi bað! Þetta er léttur göngudagur þar sem landslagið er að mestu leyti slétt og auðvelt yfirferðar. Í samráði við hópinn getum við einnig stytt gönguna og fengið skutlu sem fer með okkur að Lepena þar sem við munum eyða næstu nótt

​​​

Gönguvegalend 16 km

Gönguhækkun 450 metrar

Göngulækkun 350 metrar

​​​​​​​​​

Innifalið: Gisting á hóteli með morgunmat, akstur og leiðsögn
 

Dagur 5. Laugardagur 30. ágúst. Lepena - Komna hásléttan

Á fjórða göngudegi tökumst við aftur á við brattara landslag. Við höldum upp að hinu tærbláa Krn vatni og stoppum þar við fjallaskála til að fá okkur næringu og njóta kyrrðarinnar við vatnið. Leiðin okkar heldur síðan áfram inn á Komna hásléttuna, þar sem við finnum bæði stórbrotið landslag og merkilegar leifar frá fyrri heimsstyrjöld. Hér má sjá minjar og skotgrafir sem minna á sögulega mikilvægi svæðisins. Komna hásléttan er einnig þekkt fyrir að vera einn kaldasti staður Slóveníu, þar sem lægsti hiti landsins var einmitt mældur! Þetta er ógleymanlegur göngudagur sem sameinar bæði stórkostlega náttúru og sögulega dýpt

​​​

Gönguvegalengd 14 km

Gönguhækkun 1300 metrar

Göngulækkun 500 metrar

​​​​​​​​

Innifalið: Gisting á hóteli með morgunmat og leiðsögn

​​​​​​

Dagur 6. Sunnudagur 31. ágúst. Bohinji - Bled

Á síðasta göngudeginum ljúkum við ævintýrinu með göngu niður að Bohinj vatni. Á leiðinni stoppum við hinn fræga Savica foss sem er ekki aðeins stórbrotinn útsýnisstaður heldur einnig uppspretta Sava Bohinjka árinnar. Við höldum áfram með norðurströnd vatnsins þar sem við fáum tækifæri til að taka svalandi sundsprett í kristaltæru vatninu og endurnærast eftir vel heppnaða ferð um þetta ógleymanlega landslag. Með kyrrlátu Bohinj vatninu sem bakgrunn lýkur þessari einstöku gönguferð í Julíönsku Ölpunum, fyllt af náttúrufegurð, sögulegum stöðum og hressandi útiveru. Akstur á hótel í Bled

​​​​

Gönguvegalengd 15 km

Gönguhækkun 100

Göngulækkun 1000

​​​​​​​​

Innifalið: Akstur, gisting á hóteli með morgunmat og leiðsögn

​​​​​​

Dagur 7. Mánudagur 1. september. Frjáls dagur við Bled

​​​​​​​​​​

Innifalið: Gisting á hóteli með morgunmat

​​​​​​​​

Dagur 8. Þriðjudagur 2. september. Ferðadagur

Akstur á flugvöll í Munchen. Flug með Icelandair kl.16.55

​​​​​​​​

Innifalið: Akstur á flugvöll og morgunmatur

​​​​​​​​